ركع الشاب وغامت عنيه
- - - - - - - - -
ركع الشاب
والروح راحت
للي خالقها
وغامت عنيه
فجأة النور
ضلم وحلمه
بصندوق
قفلوا عليه
ورغم
حلمه البسيط
أتاخد غدر
وحللوا دمه
وبسرعه
غمو عنيه
قالوا
كفاية عليك
أنت يدوب
بنظرنا فرد
بجيش فرعون
وبالموت
حكموا عليه
قالوا
دمك ولا يلزمنا
بشيئ منتا يدوب
جندي بسيط
في جيش حكمنا
أنه جيش طواغيت
لازم نقضي عليه
ونحاكمة بتهمه
سرقة كرسي
تعبنا عليه
وبكرة
في غيرك
تاني وتالت
لحد ما نوصل
للكرسي الرهيب
دي السلطة ليها
ضي عجيب
ركع الشاب
وراح النور
من نني عنيه
وفجأة
ضلم الكون
وأتحول لسكون
كله عشان
كرسي سلطة
يخرب بيت
اللي جابوه
إهداء لروح مجند فادي على منتصر
قوة تأمين مبنى إذاعة شمال سيناء
21-7-2013م
ليست هناك تعليقات:
إرسال تعليق