مات القلم
إنجي مطاوع و أحمد النحاس
= = = =
وقع القلم
مات القلم
أعلن سكوته كالصنم
والقلم رمز الضمير
واهو
ضاع العقل مع القلم
ضاع معاه صوت الحياة
كتب استقالة من الكتابة
بعد ما تعبه الألم ..
كتب استقالة من الكتابة
بعد ما تعبه الألم ..
كان الخداع دافع كبير
وكمان معاه صوت الضمير
والغش ساد لغة الحوار
سكت القلم ..
وكمان معاه صوت الضمير
والغش ساد لغة الحوار
سكت القلم ..
أعلن الاستقالة من الكتابة والحياة
الاستقالة من مذابح غش وخداع
تعب من ال خدع وال خان وباع
واللي استهون بدم الغلبانين
أخر كلامه نقطتين ..
وتعجبين !!
وعلامة استفهام ؟
سؤال اجابته مش كلام ..
عايز عقول متحضرة
تقدر تجيب حقه اللي ضاع
وتعجبين !!
وعلامة استفهام ؟
سؤال اجابته مش كلام ..
عايز عقول متحضرة
تقدر تجيب حقه اللي ضاع
قال سيبوا روحي جايز
تفوقوا من فهم الحمير
من غفوة مكلبشة بالنفوس
مات القلم
واياك تسيبوا تارة
أفهموا كلامه بدون حقارة
استوعبوه ونادوا بيه
تاه القلم ..
والخوف نتوه إحنا وراه
رافضين نقف ..
ومكملين ..
طريق حزين لمنتهاه
والخوف نتوه إحنا وراه
رافضين نقف ..
ومكملين ..
طريق حزين لمنتهاه
وقع القلم
ومات بطل رمز وإشارة
وحاول قبلها يستنجد بجارة
جايز يفهمه ويحن عليه
تعب القلم ..
لأنه تاه وسط الحروف
دايما يكتب ..
والكتابة دافعها خوف
لأنه تاه وسط الحروف
دايما يكتب ..
والكتابة دافعها خوف
غاب القلم ..
وإحنا ما قرأنا الكلام
وإحنا ما قرأنا الكلام
راح القلم
والخوف نضيع ورا القلم
أصل الحكاية بالمختصر
استخبى الضمير
وسط المصالح
وضحى بالقلم
مات القلم ..
وساب وصية ..
نقطتين ..
وتعجبين !!
وعلامة استفهام ؟
وساب وصية ..
نقطتين ..
وتعجبين !!
وعلامة استفهام ؟
لروح فادي على منتصر مجند قوات مسلحة – العريش 21-7-2013م
http://arrai.org/pages.php?option=browse&id=106514
ليست هناك تعليقات:
إرسال تعليق